تبي تروح النخيل مول بالمترو وتتفادى زحمة طريق عثمان بن عفان ومواقف نهاية الأسبوع؟
خلني أشرح لك الطريقة الصح من بيتك لين باب المول خطوة بخطوة.
معلومة مهمة: أقرب محطة مترو للنخيل مول هي: محطة مركز الرياض للمعارض والمؤتمرات على المسار الأحمر.
لكن عشان توصل بسهولة، فيه ترتيب بسيط تمشي عليه.
الخطوة الأولى: اعرف أقرب محطة لك
قبل كل شيء، افتح أداة أقرب محطة مترو من موقعك الحالي.
اضغط على تحديد موقعي
بيعطيك أقرب محطة لك
وأقرب 3 محطات مرتبة حسب المسافة
كذا تبدأ الرحلة وانت عارف وين تتجه بالضبط.
الخطوة الثانية: احسب مسارك إلى محطة “مركز المعارض”
بعد ما تعرف أقرب محطة لك، استخدم أداة حساب المسار ووقت الوصول.
طريقة الاستخدام سهلة:
- في خانة محطة الصعود: اكتب اسم أقرب محطة لك (اللي طلعت لك من الأداة الأولى)
- في خانة المحطة المستهدفة اختر: مركز المعارض
- اضغط على احسب وقت الوصول
بتطلع لك:
- المسار واضح بالألوان
- عدد المحطات
- وقت الرحلة التقريبي
- وأماكن التبديل لو فيه
بهذا الشكل تكون عرفت طريقك كامل لين أقرب محطة للنخيل مول.
بعد ما توصل محطة مركز الرياض للمعارض
هنا نكمل الجزء الأخير
- اطلع من البوابة رقم 2، (الجهة الجنوبية لطريق الملك عبدالله)
- بتلقى محطة الحافلات رقم 231
- اركب الحافلة
- انزل عند محطة عثمان بن عفان رقم 215
- هذه المحطة قدام النخيل مول مباشرة، يعني تنزل… تعبر خطوات بسيطة… وتكون عند البوابة.
التكلفة التقريبية للمشوار
تذكرة المترو (صالحة ساعتين): 4 ريال
الحافلة: 2 ريال
المجموع: 6 ريال فقط
قد تزيد التكلفة شوي لو:
- موقعك بعيد عن محطة المترو، وتحتاج أوبر أو وسيلة توصلك لأقرب محطة
- أو لو منطقتك غير مغطاة بخدمة الحافلات تحت الطلب
لكن بشكل عام، تقدر توصل للنخيل مول بـ 6 ريال فقط.
خطوات الرحلة باختصار
- افتح أداة أقرب محطة وحدد موقعك
- استخدم حاسبة الوصول وحدد “مركز المعارض”
- اركب المترو على المسار الأحمر
- انزل محطة مركز المعارض
- اطلع من بوابة 2
- اركب باص 231
- انزل عند محطة عثمان بن عفان 215
- أنت قدام النخيل مول مباشرة
أسئلة شائعة
ما هي أقرب محطة مترو للنخيل مول؟
محطة مركز الرياض للمعارض والمؤتمرات المسار الأحمر.
هل أقدر أمشي من المحطة للمول؟
لا، تحتاج تركب باص.
كم التكلفة الإجمالية؟
حوالي 6 ريال للشخص.
هل الطريق معقد؟
لا، إذا استخدمت الأدوات، المسار واضح وسهل.
ختاما، لو تسأل: كيف أروح النخيل مول بالمترو؟ الجواب المختصر:
محطة مركز المعارض ثم بوابة 2 ثم باص 231 ثم محطة عثمان بن عفان 215 وأخيرا المول قدامك.
لا تنس استخدم أدوات الموقع عشان تعرف طريقك بدقة من موقعك الحالي بدون تخمين.